ބެންގަލޫރާއި، އައްޑޫގައި ދެ ގައުމުގެ ކޮންސިއުލޭޓް ޚިދުމަތް ދެނީ

ރައީސުލްޖުމްހޫރިއްޔާ ޑރ. މުހައްމަދު މުއިއްޒު އިންޑިއާގެ ބޮޑުވަޒީރު ނަރެންދުރާ މޯދީ އާއި އެކު ރަސްމީ ބައްދަލުވުންތައް ބާއްވައިފި އެވެ.

ރައީސް އިންޑިއާއަށް ކުރައްވަމުންގެންދަވާ ފުރަމާނަ ދަތުރުފުޅުގެ ތެރެއިން މި ބައްދަލުވުން ބާއްވާފައި ވަނީ މިއަދު މެންދުރު އެވެ.

ރައީސް އޮފީހުން ބުނިގޮތުގައި މި ބައްދަލުވުމުގައި އިންޑިއާގެ ބެންގަލޫރުގައި ދިވެހިރާއްޖޭގެ ކޮންސިއުލޭޓެއް ޤާއިމުކުރުމަށާއި ދިވެހިރާއްޖޭގެ އައްޑޫސިޓީގައި އިންޑިއާގެ ކޮންސިއުލޭޓެއް ޤާއިމުކުރުމާ ގުޅޭގޮތުން މަޝްވަރާކޮށްފައިވެ އެވެ. ރައީސުލްޖުމްހޫރިއްޔާ އިންޑިއާއަށް ކުރައްވަމުންގެންދަވާ ފުރަތަމަ ފުރަމާނަ ދަތުރުފުޅުގައި ދެޤައުމުގެ ދެމެދު ރަސްމީވާހަކަތައް މިހާރު ވަނީ ބާއްވަވައިފައެވެ.

އެ ބައްދަލުވުމަށް ފަހު ބޭއްވި ޖޮއިންޓް ޕްރެސް ޓޭސްޓަމަންޓުގައި ދެ ގައުމުގެ އިސްވެރިން ވެސް ވަނީ ދެ ގައުމުގެ ގުޅުމުގެ މައްޗަށް އަލިއަޅުވާލާ ގުޅުން ބަދަހުކުރުމަށް ކުރަމުންގެންދާ މަސައްކަތްތަކުގެ މުހިންމުކަން ހިއްސާކުރައްވާފަ އެވެ.