ކަރަންޓުގެ ހާލަތު ރަނގަޅުކުރަން ޖަނަރޭޓަރުތައް ފޮނުވަން ފަށައިފި

ކަރަންޓުގެ ހާލަތު ރަނގަޅުކުރަން ފެނަކަ އިން ރަށްތަކަށް ޖަނަރޭޓަރުތައް ފޮނުވަން ފަށައިފި އެވެ.

ފެނަކަ އިން ބުނީ ކަރަންޓުގެ ޙާލަތު ރަނގަޅު ކުރުމަށްޓަކައި ކުރަމުންދާ މަސައްކަތްތަކުގެ ތެރެއިން ގެނެވުނު ޖެނެރޭޓަރުތައް ކަސްޓަމުން ކްލިޔާކޮށް ރަށްތަކަށް ފޮނުވުމުގެ މަސައްކަތް މިހާރު ފަށާފައިވާ ކަމަށެވެ.

އެގޮތުން ހދ.ކުޅުދުއްފުއްޓަށް 800 ކިލޮވޮޓް އަދި 1200 ކިލޮވޮޓްގެ ދެ ޖެނެރޭޓަރުގެ އިތުރުން ހދ.ހަނިމާދޫ އަށް 1200 ކިލޮވޮޓްގެ ޖެނެރޭޓަރެއް ފޮނުވަން މިހާރު ލޯޑްކުރެވިފައިވާ ކަމަށް ފެނަކަ އިން ބުނެ އެވެ.

މީގެ އިތުރުންވެސް އެހެން ރަށްރަށުގެ ކަރަންޓުގެ ޙާލަތު ރަނގަޅު ކުރުމަށް މަސައްކަތްތަކެއް ކުރަމުންދާ ކަމަށް ފެނަކަ އިން މައުލޫމާތުދެ އެވެ.