ޝަރުޢީ ދާއިރާގެ މުވައްޒަފުން ސިޔާސީ ކަންކަން ކުރުން މިހާރުވެސް މަނާވާނެ - ޑީޖޭއޭ

ޝަރުއީ ދާއިރާގެ މުވައްޒަފުން ސިޔާސީ ކަންކަން ކުރުން މިހާރު ވެސް މަނާ ވާނެ ކަމަށް ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަން (ޑީޖޭއޭ) އިން ވިދާޅުވެއްޖެއެވެ.

ސިޔާސީ ކަންކަމަކީ މިހާރު ބަދަލު ގެނައި ކޯޑް އޮފް ކޮންޑަކްޓްގައި ވާ ގޮތުން ވެސް ވަރަށް ފުޅާގޮތެއްގައި މަނާވެގެންވާ ކަމެއް ކަމަށް ޑީޖޭއޭގެ ބަޔާނުގައި ވިދާޅުވެފައި ވެއެވެ.

މިހާރު އަލަށް ބަދަލު ގެނައި ކޯޑް އޮފް ކޮންޑަކްޓްގައިވާ ގޮތުން މަނާ ކަންކަމުގެ ދިގު ލިސްޓެއް (ޖލްސާތަކުގައި ތަގްރީރުކުރުމާއި، މުޒާހަރާތަކުގައި ބައިވެރިވުމާއި، މިގަދައެހެން ކަންކަން ހިމެނޭހެން) ހިމެނުމުގެ ބަދަލުގައި މިހާރު ވާނީ ސިޔާސީ ހުރިހައި ހުރިހާ ހަރަކާތެއް ހިމެނޭނެހެން މަނާ ކުރެވި، އެކަންކަން ކޯޑް އޮފް ކޮންޑަކްޓްގައި ހިމެނިފައި ކަމަށް ބަޔާނުގައި ވިދާޅުވެފައި ވެއެވެ.

ޑިޕާޓްމެންޓް އޮފް ޖުޑިޝަލް އެޑްމިނިސްޓްރޭޝަނުން ބުނެފައިވަނީ ސިޔާސީ ކަންކަމަކީ ކޯޑު އޮފް ކޮންޑަކްޓްގައި ވަރަށް ފުޅާކޮށް މާނަވެގެންވާ ކަމެއް ކަމަށެވެ.

"ސިޔާސީ ކަންކަމުގެ ތެރެއިން ހުއްދަވެގެންވާ ކުޑަމިންވަރަކީ، މަތީގައި ފާހަގަކޮށްފައިވާނޭ ފަދައިން، ކުރިންވެސް ހުއްދަ ކަންކަމެވެ." ޑީޖޭއޭގެ ބަޔާނުގައިވެއެވެ.

ޑީޖޭއޭއިން ބުނެފައިވަނީ ކޯޑު އޮފް ކޮންޑަކްޓްގައި ސިޔާސީ ގޮތުން މަނާ ކަންކަމުގެ ދިގު ލިސްޓެއް ހިމެނުމުގެ ބަދަލުގައި، ސިޔާސީ ހުރިހައި ހަރަކާތެއް އޭގައި ހިމެނޭ ގޮތަށް މިހާރު ވަނީ މާނަ ކުރެވިފައި ކަމަށެވެ. އަދި އެގޮތަށް ހިމަނާފައިވަނީ ސިޔާސީ ހަރަކާތްތައް ހިންގާ ވައްޓަފާޅިއަށް އަންނަ އަވަސް ބަދަލުތަކަށް ރިއާޔަތްކޮށް އެކަންކަމަކީ މަނާވެގެންވާ ކަންކަމުގެ ތެރޭގައި ހިމެނޭކަން ކަށަވަރުކުރުމެ މަގުސަދުގައި ކަމަށްވެސް ބުނެފައިވެއެވެ.